ESTRATIGRAFIA ANALITIKOA

G. Laplace historiaurrelariak sortutako metodoa da Estratigrafia Analitikoa, eta Pirinioetako Olha 2, Gatzarria eta Poeymailheko aztarnategietan egin ziren lehendabiziko probak. 1989an hasi zen metodo hori Hego Euskal Herrian aplikatzen, Arrillorreko (Araba) kobako aztarnategi paleolitikoan, A. Saenz de Buruagak zuzenduta. Duen estratigrafia konplexuagatik, estratigrafia analizatzeko eta interpretatzeko metodo hori, probatzeko eta horren inguruan ikasteko ingurune ezin egokiagoa izan zen barrunbe hori. Metodoaren kontzeptu-esparrua eta esparru operatiboa definitzeko eskola praktikoa ere izan zen; beranduago, testuinguru arkeologiko ezberdinetan esperimentatu eta kontrastatu zen metodoa. Prozedura hori modu sistematikoan aplikatzen da AGIRI Elkartearen ikerkuntza arkeologikoko programetan; jarraian, horien zerrenda laburra jaso dugu:

1996az geroztik, KREI zirkuluan (Gasteiz) parte hartzen du AGIRI Elkarteak; zirkulu horretan, hausnarketa- eta eztabaida-prozesu bat abiarazi zen, Estratigrafia Analitikoaren esparru metodologikoa eta instrumentala egokitzeko helburuz. Halaber, Krei aldizkariaren edizioan kolaboratzen du; aldizkari hori zabalkunde zientifikorako bitarteko gisa sortu zen, eta 13 ale argitaratu dira 2015era arte.